„Viiulimäng vanan vaksalin” on Häniläse kolmas raamat. See on kirjutatud läänevõru keeles. Selles on 45 luuletust ja kolm lühinovelli; iga lühinovell moodustab sellele järgneva luuletusega terviku. Teos koosneb kaheteistkümnest tsüklist. Selle lõpus on sõnastik, milles on 500 võrukeelset sõna koos kirjakeelsete vastetega. Raamatu juurde kuulub CD, millele on Häniläne ise lugenud kõik raamatu tekstid.
Häniläse raamatu „Viiulimäng vanan vaksalin” väärtuseks on huvitavad teemaarendused, omapärane elufilosoofia, mõtteselgus, elamuste ehtsus, pildilisus, rikas murdesõnavara, musikaalsus, luuletuste ja lühinovellide ning kogu teose hea kompositsioon. Raamat mõjub lugejale teraapiliselt.
Kõrva ja visnapuu (katkend)
Tiä saisõ valgõn saalin saina veeren. Saina, uiss, lagi ja aknõkardina – kõik olli valgõ. Aknist paistõ pall´u valgust. Aknide takan häitsi visnapuu. Valgus tull´ noidõ visnapuiõ küllest.
Timä oll´ tuun valgõn saalin ütsindä ja muudku kai läbi aknõ visnapuid. Tiä es olõ näid kunagi nii pall´u ütenkoon nännü nink tiä es olõ näide küllest tulõvat valgust nännü.
Saali nakass´ kogunõma rahvast. Kõik tulõja tereti tedä, aga timä es tunnõ näist üttegi. Nakati nimmi üless kirutama nink tiä lask´ uma nime kah üless kiruta.
Kõik istõ saali pinke pääle. Olli sääntse pikä pingi nigu vanan talutarõn. Tiä istõ aknõ ala, et visnapuiõlõ ligembäl olla.
Rahva ette tull´ kõnõlõja ja kõik plaksuti. Tiä es saa kõnõlõjat kullõma nakada. Tiä passe häitsejid visnapuid.
Sõss nägi tiä miist. Miis istõ timä lähkün. Mehel olli pääst kavvõlõ hoitva suurõ nall´aka kõrva. Nuu kõrva heleti. Mehe kõrva heleti pia sammamuudu nigu aknõ takan häitsejä visnapuu. Tiä nakass´ miist tunnistama. Mehe kõrva olli telle väega tutva. Aga tiä es suta miilde tulõta, kon tiä oll´ sääntside kõrvuga miist innembi nännü. Tiä tund´, et mehega koon oll´ saali tullu saladuss ja tiä piat tuu saladusõ är klaarma.
Tiä passe miist ja timä süä pesse kõvastõ. Miis es olõ illuss, aga es olõ kah näodu. Mehe iluduss es olõ telle tähtsä. Tähtsä oll´ saladuss, miä hõll´u ümbre mehe.